DATA BMKG 02 Desember 2020

Jameun Online Medya Hus

Jameun Online Medya Hus

Medya hus mestro cae Aceh

Ateueh bak ara subra beuragoe
Ateueh bak kiroe na tulô kawan
Jameun moderen patén han bagoe
Dalam dônya nyoe le perobahan

Hana lé payah ayah jak meugoe
Tanoh blang jinoe na meusén kuran
Hana lé payah susah geutanyoe
Meunyo bak meubloe mangat hana ban

Aneuk tulô breueh ateuh bak panjoe
Aneuk beuragoe ngon poma sajan
Hana lé payah suai bloe publoe
Taduek rumöh droe katrôk pesanan

Peugot peuneurah tarhah ngon bajoe
Tapeugot tumpoe peujamèe rakan
Meunacit barang kadang tapubloe
Mudah h'an bagoe di tamöng jajan

Binatang juwah leupah that paloe
Ateueh geutanyoe keureuléng mata
Ka jameun online patén h'an bagoe
Yang peunténg tanyoe muphôm cara nyan

Jak Umeulaboh ji'ôh h'an bagoe
Leupah that paloe tan kenderaan
Nyang peunténg HP ok bak jaroe
Laptop lom adoe beuna hai rakan

Nyang jak ulaôt eungkôt geupuwoe
Nyang beu'o keudroe meusapeue pih tan
Peue nyang meukeusut meuheut taneuk bloe
Online lawet nyoe mangat hana ban

Aneuk beurijuek ka gabuek sidroe
Di prèh poma woe mita makanan
Bloe publoe online patèn that jinoe
Bandum geutanyoe ka mangat peusan

Lamblang ulèe glé padé meutaloe
Seunang nyang meugoe oh na hasélan
Jameun internet cit gèt lawét nyoe
Asai bèk tanyoe ka salah jalan

Di krueng wayla si dara manoe
Watèe ie cikoe tan mangat badan
Nyang ladôm online meubèn bèn paloe
Geujak publoe droe gura Hana ban

Leupah that gura mata go gajoe
Katumpoi keidroe 'oh meugeuratan
Nyang le cit inöng bingöng lawét nyoe
Kehormatan droe online pasaran

Manök keumireueh di ateueh anoe
Rata jeut sagoe eumpeut di kuran
Meunan meudésya beuna tapakoe
Bèk salah tanyoe ta pergunakan

Ateuh bak ara na umpung unoe
Aneuk beuragoe ateuh bak saban
Jameun ka maju dumpeue lawét nyoe
Mudah bak tabloe online hai rakan

'Oh watèe ujeuen rhet cadheun panjoe
Leupah that paloe ka meitôp jalan
Tapi taingat meuhat maju nyoe
Bèk sampé dudoe meurusak Iman

Tapot boh panah meugeutah jaroe
Tapot boh kiroe hasé meukukuyan
Asai ngon sehat niekmat meukatoe
Ngon internet nyoe na penghasélan.[]

Komentar
Baca Juga
Terbaru