DATA BMKG 15 September 2019

Cae Medya Hus Selamat Menunaikan Ibadah Haji

Cae Medya Hus Selamat Menunaikan Ibadah Haji

Mestro Seni Tutur Aceh, Medya Hus

Assalamu'alaiku kawôm Islami Saleuem kamoe bi mulia leupah Sambôt syédara ngon Ikhlas hati Saleum rot seuni sastra daerah

Bak phôn tamuproe pujoe Ilahi
Nyang maha suci nyang maha meugah Nyang peuejeut tanyoe meubagoe dum hi Nyang peujeuet bumi langèt nyang indah

Seulaweuet Saleuem takheun keu Nabi Utusan Rabbi nyang mulia leupah Deungon sahabat meuhat lom lagi Nyang sajan Nabi peukong Aqidah

Dan keluarga Ulama lagi Hanjeuet tapeusi ingat meutuah
Beureukat Muhammad hajat beuneubi Trôh lagèe janji buet nyoe beuleupah

Meurika haba bhah jak u haji
Peut blah peut plôh hai akhi bathôn Hijriah Teuma meunyo bak thôn masehi
Teuntèe hai abi dua ribèe sikureung blah

Dum Umat Islam ban sigom bumi Geujak u haji geulingka Kakbah Katrôh ban hajat teupat ngon janji
Nyang katrép antri seunang meuleumpah

Selamat menunaikan Ibadah haji Utanoh suci Sa'i ngon Tawaf
Sehat ngon tuboh bek rôh lam seu-i Dum rukôn haji geupubuet beusah

Tanyoe meulakèe teuntèe bak Rabbi Keu calon haji sehat jeut saah Beutrôh keuh geujak bak kubu Nabi Meubèk na seu i, bak lingka kakbah

Beu abéh mandum dum rukôn haji Tawaf ngon Sa'i ngon rom Jumrah Geuteurimong dôa oleh Ilahi
Di tanöh suci beu ridha Allah

Kloter nyang keusa ka trôh Allah bi Utanoh suci Meukah muqaramah
Laén kloter kumpui asrama haji Ayah ngon umi mandum jamah

Gembira leupah jamaah haji Trôh cit geubi oleh Potallah
Mantong cit ramè calon nyang antri Kamudah raseuki jak daftar bagah

Tuha ngon muda apa ngon cut mi Lakèe bak Rabbi bèk sakét parah Na ngon kala'èh seudéh han sakri Karna hai akhi katuha leupah

Do`a talakèe teuntèe bak Rabbi Keucalon haji sihat jeut saah Beutrôh ban hajat meuhat bèk seu i Neubi ya Rabbi mangat ibadah

Bacut meupeusan saran kamoe bi Keu jama'ah haji nyang that meutuah Focus Ibadah trôh tanoh suci
Bèk sangsi sangsi iman bek gogah

Bèk lé seumiké haté bèk sangsi Bèk jak uhaji jak mita nafkah Mita oleh oleh gigèh han sakri Hana padoli atoran bantah

Alhamdulillah Allah tapuji Nyang maha suci maha meugah Talakee do`a nibak Ilahi
Dum calon haji Mabrura yang sah
Taingat beuna wahe e-akhi
Hudép lam bumi meunyo ka mewah Beutatatém tajak utanöh suci
Tajak ék haji rukôn tapeusah

Rukôn keu limong dalam Islami Kerja hai abi nyo kana langkah Bèk 'oh kana pèng han tapeuduli
Buet-buet nyang suci tapubuet malah

Bèk oh na beulanja gura han sakri Tajak ubali wisata bagah
Uluwa nanggroe jakwoe tiep kali Όh na raseuki berfoya meugah

Beuna taingat meuhat hai akhi Pané raseuki gata ka mewah Mandum titipan Tuhanku Rabbi Bèk ta ingkari dosa ngon Allah

Ulèh karna nyan rakan dan ahli Όh na raseuki ingat beubagah Karna hareuta nyang tamiliki Tanyoe meusundi nyo jalan salah

Ateueh bak rambot got got meunyanyi Ateueh bak giri na aneuk tiwah
Sigo teuek haba sigra kamoe bi Keu calon haji Poma ngon Ayah

Selamat jalan rakan dan umi Utanoh suci beutrôh neulangkah
Beutrôh teungku jak bak Kakbah suci Thawaf ngon Sa'i beu èk mandum sah

Sèhat ngon tubôh beutrôh kembali Meubèk Allah bi didalam susah Beutrôh ban cita na gelar haji Watèe kembali Mabrura beusah

Subhanallah wabihamdihi Nyang maha suci Maha meugah Dô`a bak kamoe sinoe hai akhi Keu calon haji ta'at ngon tabah

Beusèhat tubôh beutrôh kembali Dum rukôn haji beurôh dan beusah Lam jeuet kutika Ridha Ilahi Semoga haji samporna nyang pah

Èt noe keuh haba nyang ka lôn rawi Keu calon haji bandum jamaah
Pat pat na salah meueuah beuneubi Kadang na rawi hana got jeulah

Pakhôk kureueng pah arah han meukri Meubèk neucaci buhu jih salah
Bak watèe la én jalén kembali
Bhah la én rawi nyang ulôn peugah.

 

Tulisan ini sudah dimuat di HD Indonesia Edisi  : 01 ( 05-18 AGUSTUS 2019 )

Komentar
Baca Juga
Terbaru